Azərbaycan-Ermənistan arasında baş verən gərginliklə bağlı cənab İlham Əliyevlə də görüşlərim olub. Görüşdən sonra yəqin ki, sabah cənab Paşinyanla da görüşüm olacaq.
Bunu Türkiyə Prezidenti Rəcəb Tayyib Ərdoğan deyib.
“Təbii ki, bölgəni sakitliyə dəvət etməkdən başqa çarəmiz yoxdur. Ancaq indi burada, xüsusən də Qarabağda atılan addımlar düzgün addım deyil, bunu qəbul etmək mümkün deyil, AB-yə üzv dövlətlər də bunu qəbul etmir. Sabahkı görüşümüzdə onlara deyəcəyik ki, bu məsələ ilə bağlı cənab Paşinyana xəbərdarlıq etsinlər və belə bir “seçki”ni qəbul etmək qətiyyən mümkün deyil. İndiyə qədər görüşdüyümüz dost, Qərb ölkələri “seçki”ni qəbul etmirlər. Bu, baş verəcək bir şey deyil, məqbul “seçki” deyil”, – Ərdoğan bildirib.
