AZƏRBAYCAN MİLLİ MÜQAVİMƏT HƏRƏKATININ (MH)
ƏSASNAMƏSİ
1) Azərbaycan Milli Müqavimət Hərəkatı (MH) yeni bir Xalq Hərəkatı olaraq, Azərbaycanda mövcud siyasi hakimiyyətin qanuni yollarla dəyişdirilməsi, siyasi-iqtisadi, sosial-hüquqi islahatların aparılması, milli-mənəvi dəyərlər, demokratik idarə sistemi, söz-mətbuat azadlığı, insan hüquqlarının qorunduğu müstəqil məhkəmə sisteminin yaradılması, yüksək sosial təminatlı Vətəndaş Cəmiyətinin qurulması uğrunda mübarizə məqsədi ilə yaradılmışdır.
2) Müqavimət Hərəkatı ölkədə və ölkə xaricində olan, siyasi, milli və dini mənsubiyyətindən asılı olmayaraq, bütün azərbaycanlıları və onların yaratdıqları ictimai və siyasi təşkilatları vahid məqsəd ətrafında VAHİD CƏBHƏDƏ birləşdirir.
3) Müqavimət Hərəkatı öz məqsədinə çatmağın yolunu xalqı təşkilatlandırmaqla, konstitusiya və mövcud qanunlar çərçivəsində kütləvi etiraz aksiyaları təşkil edərək, qeyri-legitim, Azərbaycan xalqına qarşı iqtisadi, sosial, siyasi və hüquqi cinayətlər törətmiş hakimiyyəti istefaya göndərməkdə və məsuliyyətə cəlb etməkdə görür.
4) Müqavimət Hərəkatı öz fəaliyyətində milli dəyərlərə, demokratik prinsiplərə və insan haqlarına üstünlük verir.
5) Müqavimət Hərəkatı öz fəaliyyətini “Dəyirmi Masa” prinsipi əsasında qurur, ictimai siyasi müzakirələr aparır və əhalinin təşkilatlanması üçün müvafiq qərarlar qəbul edir.
6) Müqavimət Hərəkatı gündəlik fəaliyyətlərini özünün Vatsap qrupları və digər sosial şəbəkələr vasitəsi ilə həyata keçirilir.
7) Müqavimət Hərəkatı əsas təbliğatını “ABA Meda” Youtube kanalı və digər mətbuat orqanları vasitələri ilə yerinə yetirilir.
Müqavimət Hərəkatı fəaliyyətində müxalifət partiyalarının əks təbliğatı, dini, etnik və regionçuluq mövzularınin, Hərəkat üzvlərinin keçmiş siyasi mənsubiyyətinin və ziddiyət yaradan digər mövzuların müzakirəsinə yol vermir.
9) Müqavimət Hərəkatına üzvlük “ABA Media” Youtube kanalının təqdim etdiyi vatsap nömrələrinə müraciət etməklə həyata keçirilir.
10) Müqavimət Hərəkatına rəhbərlik Hərəkatın İdarə Heyəti yararana qədər Təşəbbüs Qrupu tərəfindən həyata keçirilir.
11) Təşəbbüs Qrupu Hərəkata üzv qəbul etmək, üzvlükdən xaric etmək, səlahiyyətli nümayəndələr təyin etmək və kənarlaşdırmaq, həmçinin, digər təşkilatlarla danışıqlar aparmaq hüququna malikdir.
12) Müqavimət Hərəkatının Səlahiyətli Nümayəndələrı Təşəbbüs Qrupu ilə razılaşdırmaqla, yerlərdə əhalini təşkilatlandırmaq məqsədi ilə, özlərinin Səlahiyyətli Nümayəndələrini təyin edirlər.
13) Yerlərdə təyin olunan Səlahiyyətli Nümayəndələr Müqavimət Hərəkatının adından danışmaq və yerli Dayaq Dəstələrinin yaradılması səlahiyyətlərinə malikdirlər.
14) Müqavimət Hərəkatında təşkilatlanma ”aşağıdan yuxarıya” prinsipi ilə həyata keçirilir.
AMMH-nin Təşəbbüs Qrupu
28 aprel 2023-cü il
